ریاست اترپردیش کے ضلع بنارس کے دشاشومدھ تھانہ پولیس کرائم برانچ اور محکمہ آبکاری کی مشترکہ کوششوں سے غیر قانونی طریقے سے ریاست بہار جانے والی 62 پیٹی شراب ضبط کیا ہے۔
سی او اودھیش کمار پانڈے نے کہا کہ مخبر کی اطلاع پر کرائم برانچ دشاشومدھ تھانہ کی پولیس اور محکمہ آبکاری نے مشترکہ تلاشی مہم شروع کی، جس میں بیریئر لگا کر سختی سے تلاشی لی جا رہی تھی کہ اسی دوران مخبر کی اطلاع پر ایک گاڑی میں بہار جانے والے 62 پیٹی شراب کو ضبط کیا۔
انہوں نے بتایا کہ یہ شراب ریاست ہریانہ سے بہار جا رہا تھا کہ اطلاع پر بنارس میں پولیس نے شراب کو ضبط کر لیا ہے اور پک اپ گاڑی کو سیز کر دیا ہے اور ڈرائیور کو گرفتار کرلیا گیا ہے، ڈرائیور سے پوچھ گچھ کے بعد ڈرائیور نے بتایا کہ یہ غیر قانونی طریقے سے ریاست بہار میں لے جایا جارہا تھا۔
انہوں نے کہا کہ ریاست بہار میں شراب پر پابندی ہے اور انتخابات بھی آنے والے ہیں اسی کے پیش نظر پولیس مستعد ہوگئی اور اس کے نتیجے میں 62 پیٹی شراب کو ضبط کیا گیا ہے، انہوں نے کہا کہ ریاست بہار میں ہونے والے انتخابات کے پیش نظر پولیس مکمل طور سے مستعد ہے۔