ادھم پور: جکھونی علاقے میں سڑک حادثے میں ایک ہی کنبہ کے تین افراد زخمی

جموں و کشمیر کے ادھم پور میں جموں و کشمیر شاہراہ کے نزدیک شاردا مندر کے قریب ایک گاڑی حادثے کا شکار ہو کر کھائی میں گر گئی، جسے این ڈی آر ایف اور مقامی لوگوں کی مدد سے باہر نکالا گیا۔

ادھم پور: ادھم پور میں ایک سوئفٹ کار، جس کا نمبر (جے کے 02 سی آر 6274) جمعرات کی رات جکھینی میں شاردا مندر کے قریب جموں سرینگر قومی شاہراہ پر گہری کھائی میں جا گری۔ جس میں سوار ایک ہی خاندان کے تین افراد شدید زخمی ہو گئے۔ وہ سرینگر سے جموں واپس لوٹ رہے تھے۔ حادثے کی اطلاع ملتے ہی پولیس اور ایس ڈی آر ایف کے ارکان موقع پر پہنچے اور مقامی لوگوں کی مدد سے امدادی کام شروع کیا۔ زخمیوں کو کھائی سے نکال کر علاج کے لیے ڈسٹرکٹ ہسپتال لے جایا گیا۔

پولیس کے مطابق اس حادثے میں زخمی ہونے والوں کی شناخت 57 سالہ رنجن ولد آنند، ان کی بیوی کپیلا دیوی (51) اور بیٹا کش گرا (29) کے طور پر ہوئی ہے جو جموں کے سدرہ کے رہنے والے ہیں۔ جموں کے لیے ریفر کیا گیا۔