جموں و کشمیر کے ضلع پلوامہ میں واقع پامپور علاقے کے شام شار سے 32 سالہ پرائیویٹ اسکول ٹیچر کی لاش پھانسی پر لٹکی ہوئی ملی۔
ایک پولیس افسر نے بتایا کہ ایک نوجوان سہیل احمد لون ولد غلام محمد لون شار شالی جو ایک مقامی پرائیویٹ اسکول میں بطور استاد کام کر رہے تھے۔ وہ آج صبح شار میں اپنی رہائش گاہ پر سیلنگ پنکھے سے لٹکے ہوئے پائے گئے۔
انہوں نے بتایا کہ اطلاع ملنے کے بعد پولیس نے لاش کو سب ڈسٹرکٹ اسپتال پامپور لے گئی اور طبی و قانونی کارروائیوں کو مکمل کرنے کے بعد متوفی کی لاش کو آخری رسومات کے لیے اس کے اہل خانہ کے حوالے کردیا گیا۔
یہ بھی پڑھیں: قابل فخر کارنامہ انجام دینے والا بینائی سے محروم نوجوان محمد اشرف
پولیس افسر کا مزید کہنا تھا کہ موت کی اصل وجہ اور انتہائی اقدام کے پیچھے وجوہات جاننے کے لیے قانون کی متعلقہ دفعات کے تحت تفتیش شروع کر دی گئی ہے اور اس بات کا پتہ لگایا جا رہا ہے کہ موت کی اصل وجہ کیا ہے۔