کیرالہ کے اڈوکی میں پیٹی مڈی پہاڑی پرگرنے والے مٹی کے تودے سے مزید 3 لاشیں بر آمد ہونے کے بعد ہلاکتوں کی تعداد 52 ہو گئی ہے۔
گزشتہ ہفتے مٹی کے تودے گرنے سے چاے کے باغ میں کام کرنے والے مزدوروں کی بستی اس کی زد میں آگئی تھی۔ ابھی تک یہ معلوم نہیں ہو سکا ہے کہ لینڈ سلائیڈنگ میں کتنے افراد ملبے تلے دبے ہیں۔
کنن دیون ہلس پلانٹٹیشن کمپنی کے مطابق متاثرہ علاقے میں 83 افراد رہائش پذیر تھے، جبکہ محکمہ ریونیو نے 78 افراد کے بارے میں اطلاع دی ہے۔
کمپنی ذرائع کے مطابق مٹی کے تودے گرنے کے بعد 19 افراد لاپتہ ہیں اور 12 افراد کو بچایا گیا ہے۔
ذرائع کا کہنا ہے کہ مٹی کا تودہ گرنے سے قبل علاقے میں ایک گھر میں ایک بچے کا یوم پیدائش منایا جا رہا تھا اور اس وقت بہت سے لوگ اس میں حصہ لے رہے تھے۔ ان تمام لوگوں کے تودے کے ملبے تلے دبے ہونے کا خدشہ ظاہر کیا جا رہا ہے۔