سورت سے الہ آباد جانے والی ٹرین حادثے سے بچی

اسپیشل ٹرین مزدوروں کو لے کر سورت سے الہ آباد جارہی تھی کہ جبل پور اسٹیشن کے قریب گیٹ نمبر 300 پر آج صبح ایک بڑا حادثہ ہونے سے بالبال بچ گئی۔

مزدوروں کو سورت سے الہ آباد لے جانے والی اسپیشل ٹرین کی 'کپ لنگ' ٹوٹنے کے سبب بڑا حادثہ ہونے سے بچا۔ جبل پور کے ٹیڑھ گیٹ پوسٹ نمبر 300 کے قریب اچانک انجن سے ڈبہ کو جوڑنے والے 'ہک' کے نکل جانے سے انجن ڈبہ کو چھوڑ کر آگے نکل گیا۔

ذرائع کے مطابق ٹرین زیادہ تیز رفتار نہیں تھی جس کے سبب کوئی بڑا حادثہ پیش نہیں آیا ۔کارکنوں کا کہنا ہے کہ ٹرین کل شام کو مزدوروں کو الہ آباد لےجانے کے لیے روانہ ہوئی تھی تبھی راستے میں یہ حادثہ ہوا۔

ٹرین کو جیسے تیسے بھٹوني اسٹیشن لایا گیا جہاں تین گھنٹے مسلسل کوششوں کے بعد ٹرین کو روانہ کیا گیا۔

مزدور مسافروں کا کہنا ہے کہ ٹرین گذشتہ شام روانہ ہوئی جس کے بعد سے اب تک کھانا پینا نصیب نہیں ہوا۔