ای ٹی وی بھارت سے بات کرتے ہوئے ڈپٹی کمشنر سرینگر ڈاکٹر شاہد اقبال چوہدری نے بتایا کہ " اوور لوڈنگ ٹریفک قوانین کی سخت خلاف ورزی ہے اور اسے کسی بھی قیمت پر برداشت نہیں کیا جائے گا''۔
انہوں نے کہا کہ اوور لوڈنگ نہ صرف قانون کی خلاف ورزی ہے بلکہ اسکولی بچوں کی جانیں خطرے میں ڈالنے کی طرح ہے۔
اسکول وین رجسٹریشن نمبر 'جے کے 01 ٹی 8123' جو کل اوورلوڈنگ کرتی ہوئی پکڑی گئی تھی اس کی رجسٹریشن رد کر دی گئی ہیں اور گاڑی بھی گرفت میں لی گئی ہے۔
انہوں نے اسکولز کو آگاہ کیا کہ ایسی حرکتوں سے باز آئیں نہیں تو انتظامیہ سخت قدم اٹھانے پر مجبور ہوگی۔
ڈی سی سرینگر نے والدین سے بھی گزارش کی کہ اگر وہ ٹریفک قوانین کی کوئی خلاف ورزی دیکھیں تو فوراً ٹریفک محکمہ یا ڈی سی آفس سے رابطہ کریں۔