'ٹیکنالوجی سے اردو صحافت کا مستقبل تابناک'

ریاست جموں و کشمیر میں اردو صحافت کو ٹیکنالوجی کے ذریعے فروغ مل سکتا اور اردو صحافت کو پیشہ ور بنانے کے لیے صحافیوں کو روایتی طریقوں کو چھوڑ کر جدید ٹیکنالوجی کا استعمال کرنا ہوگا۔

اس سیمینار میں یونیورسٹی کے اساتذہ کے علاوہ طلباء نے بھی شرکت کی۔

ریاستی اردو کونسل کے صدر جاوید کرمانی نے کہا کہ 'اردو زبان سے عوامی غفلت شعاری اور حکام کی عدم توجہی کا اثر اردو صحافت پر بھی پڑا ہے۔'

کشمیر کے سینیئر صحافی ریاض مسرور نے کہا کہ 'اردو صحافت سے منسلک صحافیوں کو جدید ٹیکنالوجی سے آشنا ہو کر اردو صحافت کو پیشہ وارانہ اور تابناک بنانا ہوگا۔'

ریاستی اردو کونسل کی جانب سے کشمیر یونیورسٹی کے ابن خلدون آڈیٹوریم میں منعقد 'جموں کشمیر میں اردو صحافت کا مستقبل' کے سیمینار میں معروف صحافیوں اور اساتذہ نے ریاست کی اردو صحافت کے ماضی اور مستقبل پر روشنی ڈالی۔'