سرینگر میں بندشیں

ریاست جموں و کشمیر کے دارا الحکومت سرینگر کے پائین علاقے میں سکیورٹی صورتحال کے پیش نظر اضافی پولیس فورس اور نیم فوجی دستوں کو تعینات کیا گیا ہے۔

گذشتہ جمعہ کو سرینگر کی جامع مسجد میں نماز جمعہ ادا کرنے کی اجازت دی گئی تھی۔ لیکن میر واعظ محمد عمر فاروق کو این آئی اے کی جانب سے سمن جاری کرنے اور مذہبی جماعتوں کے کارکنان کو گرفتار کرنے کے خلاف نماز جمعہ کے بعد احتجاجی مظاہرے کیے گئے تھے۔

واضح رہے کہ میر واعظ کو نظر بند رکھا گیا ہے۔

اسی کے پیش نظر آج بھی شہر کے متعدد حساس مقامات پر اضافی پولیس فورس تعینات کی گئی ہے۔