جمعہ اور ہفتے کے درمیانی شب تینوں چلّوں - چلہ کلان (40ایام)، چلہ خورد (20ایام) اور چلہ بچہ (10ایام) - کا اختتام ہوا۔
جموں و کشمیر کے محکمہ موسمیات کی پیش گوئی کے عین مطابق ہفتے کو میدانی علاقوں میں درمیانہ درجے کی بارش اور بالائی علاقوں میں برفباری سے درجہ حرارت میں کمی درج کی گئی ہے۔
جمعے کی شام کو محکمہ موسمیات نے برفباری اور بارشوں کی پیش گئی کی تھی اور ہفتے کی صبح میدانی علاقوں میں بارشوں کے علاوہ مشہور سیاحتی مقام گلمرگ اور سونا مرگ میں دو سے تین انچ برف درج کی گئی ہے۔
دریں اثناء محکمہ موسمیات نے مارچ کی 5اور 6تاریخ کو مزید بارشوں اور برفباری کی پیش گوئی کی ہے۔
