ڈاکٹروں کے خلاف احتجاج

ریاست جموں و کشمیر کے سرینگر کی پریس کالونی میں صورہ ہسپتال میں گذشتہ مہینے چار اپریل کو ڈاکٹروں کی لاپروائی سے 25 سالہ میر انجم کی موت ہو گئی تھی۔

آج ان کے اہل خانہ نے ہسپتال کے ڈاکٹروں کے خلاف زبردست احتجاج کیا۔ احتجاج میں شامل مظاہرین کے ہاتھوں میں پلے کارڈس اٹھا رکھا تھا جس پر ڈاکٹروں کو سزا دو کے نعرے درج تھے۔

صحافیوں سے بات کرتے ہوئے مرحومہ انجم کی چھوٹی بہن میر رافیہ نے کہا کہ میری بہن بلکل ٹھیک تھیں مگر جیسے ہی اس کے جسم میں خون چڑھا یا گیا اس کی طبیعت خراب ہوگئی اور اچانک اس کی موت ہوگئی۔ اس بارے میں ہم نے ڈاکٹروں سے بات بھی کی تھی۔ ان کا کہنا تھا کہ جب ہم نے خون کو ٹیسٹ کیا تھا۔

انہوں نے مطالبہ کرتے ہوئے کہا کہ ہمیں انصاف ملنا چاہیئے اور جو اس لاپرواہی میں ملوث ہے اسے سخت سے سخت سزا ملنی چاہیئے۔