ترال: ڈایورشن پر کام روکنے سے عوام بےحال

جنوبی کشمیر کے ضلع پلوامہ کے سب ڈویزن ترال کے دیور علاقے میں موجود پُل کی خستہ حالی سے جہاں درجنوں دیہات کی آبادی کو پریشانیوں کا سامنا ہے وہیں محکمہ آر اینڈ بی کی طرف سے پل کے ایک طرف ڈایورشن بنانے کا کام ادھورا چھوڑ دیا گیا ہے جس کی وجہ سے مقامی آبادی صدائے احتجاج پر مجبور ہیں۔

میڈیا سے بات کرتے ہوئے دیور کے نائب سرپنچ سلیندر سنگھ نے کہا کہ ترال ستورہ روڈ پر دیور مقام پر پل خستہ ہو چکا ہے اور اس پُل پر کبھی بھی حادثے ہو سکتا ہے کیونکہ اس پل سے درجنوں دیہات کی آبادی کا گزر ہوتا ہے ۔

انہوں نے کہا کہ اس پل کے نیچے پائیپں ٹوٹ چکی ہیں، تاہم آر اینڈ بی نے یہاں ایک ٹریفک ڈایورشن پر کام شروع کیا تھا لیکن بعد میں نامعلوم وجوہات کی بنا پر بند کر دیا گیا۔
وہیں بٹہ گنڈ کے ایک سماجی کارکن عاصف احمد نے بتایا کہ ترال سے ستورہ تک آر اینڈ بی نے سڑک کی تجدید ومرمت اچھے طریقے سے کی لیکن دیور میں ڈایورشن کا کام ادھورا چھوڑ دیا جو سمجھ سے بالا تر ہے۔

انہوں نے کہا کہ ڈایواشن پر ادھورا کام چھوڑنے سے یہاں روزانہ ٹریفک جام ہوتا ہے جس کی وجہ سے یہاں سے گزرنے والے لوگوں کو مشکلات درپیش آتے ہے۔

انہوں نے انتظامیہ سے ڈایورشن پر فوری طور پر کام شروع کرنے کا مطالبہ کیا ہے۔

اس کے متعلق اسسٹنٹ ایگز کیو ٹیو انجینئر آر اینڈ بی ترال اشتیاق حسین نے نمائندے کو فون پر بتایا کہ ترال ستورہ روڈ پر کیے گیے کام کی واجب الادا رقومات کا ستر فیصد حصہ ابھی واگزار نہیں کیا گیا ہے جس کی وجہ سے متعلقہ ٹھیکدار بھی کام کرنے سے قاصر ہے۔ انہوں نے یقین دلایا کہ فنڈس واگزار ہونے کے ساتھ ہی ڈایورشن پر کام شروع کیا جائیگا۔