Farooq Abdullah Hits Back at Amit Shah وزیر داخلہ امت شاہ کے بیان پر فاروق عبداللہ کا رد عمل

فاروق عبداللہ نے مرکزی وزیر داخلہ کی نکتہ چینی پر رد عمل ظاہر کرتے ہوئے کہا کہ امت شاہ کا یہ بیان کہ ستر برسوں میں جموں و کشمیر میں کوئی تعمیر و ترقی نہیں ہوئی، حقیقت سے بعید بیان ہے۔ NC President Farooq Abdullah responds to HM Amit Shah's statement

جمو ں و کشمیر کے سابق وزیر اعلی اور نیشنل کانفرنس کے صدر فاروق عبداللہ نے امت شاہ کے بیان پر ردعمل ظاہر کرتے ہوئے کہا کہ نیشنل کانفرنس حکومت نے سنہ 1948 سے 2014 تک جب بھی اقتدار میں رہی، جموں کشمیر کی تعمیر و ترقی میں نمایاں کردار ادا کیا۔ NC President Farooq Abdullah responds to HM Amit Shah's statement

نیشنل کانفرنس کی طرف سے فاروق عبداللہ کے حوالے سے جاری بیان میں کہا گیا کہ نیشنل کانفرس کے تعلق سے وزیر داخلہ امت شاہ کا یہ کہنا کہ ستر برسوں میں جموں و کشمیر میں کوئی تعمیر و ترقی نہیں ہوئی ہے، حقیقت سے بعید بیان ہے۔

فاروق عبداللہ نے اپنے بیان میں سنہ 1948 تا 1953، 1977 سے 1983، 1986 سے 1989، 1996 سے 2002 اور 2008 سے 2014 تک نیشنل کانفرنس کے دور اقتدار میں ان تمام بڑے پروجکٹز کی فہرست پیش کرتے ہوئے کہا کہ امت شاہ کو ان کا ذکر کرنا چاہیے تھا۔

قابل ذکر ہے کہ وزیر داخلہ نے جموں کشمیر کے تین روزہ دورہ کے دوران بارہمولہ میں عوامی جلسے سے خطاب کرتے ہوئے نیشنل کانفرنس اور پی ڈی پی پر تنقید کرتے ہوئے کہا تھا کہ ان دونوں خاندانوں نے جموں کشمیر میں رشوت خوری کے علاوہ کچھ نہیں کیا ہے اور صرف اپنے خاندانوں کو آباد کیا ہے۔

فاروق عبداللہ نے ہسپتالوں، لالجز، اسکولز، سرکاری عمارتوں، مختلف اسکیمز، تعلیم کی شرح، شعبہ صنعت، پن بجلی، سڑکیں وغیرہ کا ذکر کرتے ہوئے کہا کہ موجودہ انتظامیہ نے جموں کشمیر کی تعمیر و ترقی کو اپنے طرف منسوب کیا ہے لیکن حقیقت اور پروپیگنڈہ دو مختلف معاملے ہیں۔