گجر طبقہ آج تک ووٹ بینک کے لیے استعمال کیا گیا:عبد الرشید

بی جے پی کے ایس ٹی مورچہ پلوامہ کے جنرل سیکرٹری عبد الرشید گوجر نے دعویٰ کیا کہ مودی حکومت نے گجر بکروال طبقے کو پسماندگی سے نجات دلانے کے لیے کئے اقدامات کیے ہیں اورمودی سرکار سب کے ساتھ سب کا وکاس کے نعرے پر قائم ہے۔

بی جے پی کے ایس ٹی مورچہ پلوامہ کے جنرل سیکرٹری عبد الرشید نے سب ضلع ترال کا دورہ کیا۔دورے کے دوران انہوں نے دیہی ترقی کے مقامی آفس اور سب ڈسٹرکٹ اسپتال کا دورہ بھی کیا۔

اس موقع پر عبد الرشید نے اسپتال میں داخل کئی مریضوں اور ان کے تیمارداروں سے بات کی اور انہیں یقین دلایا کہ اسپتال میں لازمی سہولیات کو یقینی بنانے کے لیے وہ ایل جی انتطامیہ سے رابطہ کریں گے۔
ای ٹی وی بھارت سے گفتگو کرتے ہوئے عبد الرشید گوجر نے بتایا کہ آج تک گجر بکروال طبقے کو محض ووٹ بینک کے لیے استعمال کیا گیا،لیکن اب وقت آگیا ہے کہ ان استحصالی عناصر کو لگام دی جائے۔

عبد الرشید نے دعویٰ کیا کہ مودی حکومت نے گجر بکروال طبقے کو پسماندگی سے نجات دلانے کے لیے کئے اقدامات کیے ہیں اور یہ سرکار سب کے ساتھ سب کا وکاس کے نعرے پر قائم ہے۔

انہوں نے پنچوں اور سرپنچوں سے اپیل کی کہ وہ لوگوں کے مسائل کا ازالہ کرنے کے لیے آگے آئیں تاکہ عوام راحت کی سانس لے سکیں۔