نیشنل کانفرنس کے جنرل سکریٹری علی محمد ساگر نے کہا ہے کہ جموں وکشمیر انتظامیہ نے عوام کو حالات کے رحم و کرم پر چھوڑ دیا ہے اور زمینی سطح پر عوام کی راحت رسانی کے لئے کوئی بھی اقدام نہیں اٹھایا جارہا ہے۔
انہوں نے کہا کہ سوشل میڈیا اور ذرائع ابلاغ پر حکومت جو اپنے کارناموں کو ڈھنڈورا پیٹتی ہیں وہ حقیقت سے کوسوں دور ہے۔ساگر نے ان باتوں کا اظہار پارٹی ہیڈ کوارٹر پر مختلف عوامی وفود سے خطاب کے دوران کیا۔
انہوں نے کہاکہ جموں وکشمیر کو اس وقت نہ صرف زبردست سیاسی چلینجز کا سامنا ہے بلکہ لوگوں کو انتظامی خلفشار اور انتشار کا بھی سامنا ہے۔ کیوں افسر شاہی نہ تو عوام کے مشکلات کی داد رسی کرنے کی متحمل ہو سکتی ہے اور نہ ہی افسر شاہی عوامی حکومت کا متبادل ہو سکتی ہے۔
یہ بھی پڑھیں: جموں و کشمیر: بارہ، کے پی ایس افسران کو آئی پی ایس کا درجہ
انہوں نے کہا کہ موجودہ انتظامیہ ہر جگہ اور ہر سطح پر ناکام ہو چکی ہے جس سے عوام کو گوناگوں مشکلات کا سامنا کرنا پڑ رہا ہے۔ انہوں پارٹی کارکنان اور عہدیدارن پر زور دیا کہ وہ لوگوں کو درپیش مسائل و مشکلات اجاگر کریں۔