جموں و کشمیر: پلوامہ میں گرینیڈ حملہ

جموں و کشمیر کے ضلع پلوامہ کے راجپورہ علاقے میں ایک بازار میں گرینیڈ حملہ ہوا۔

جنوبی کشمیر کے ضلع پلوامہ میں شہید پارک کے پاس سرینگر شوپیان رابطہ سڑک پر عسکریت پسندوں نے پولیس کی گاڑی پر گرنیڈ پھینکا جو گاڑی سے ٹکرانے کے بعد سڑک پر پھٹ گیا۔

عسکریت پسندوں نے اگرچہ ڈی ایس پی آپریشن کی گاڑی کو نشانہ بنانے کی کوشش کی تھی لیکن گرنیڈ گاڑی سے ٹکرانے کے بعد سڑک پر پھٹ گیا جس کے نتیجے میں دو افراد زخمی ہوئے ہے۔

اس واقعے میں دو افراد کو معمولی چوٹیں آئی ہیں جن کی شناخت بہار کے رہنے والے جیتندر کمار (30 برس) اور ڈیلی پورہ پلوامہ کے اظہر خورشید ملک کے طور پر ہوئی ہے۔

اظہر کو سر اور پیر میں چوٹ آئی ہے جبکہ جتیندر کا ہاتھ زخمی ہوا ہے تاہم دونوں کی حالت مستحکم بتائی جا رہی ہے۔

اس حملے کے بعد پولیس نے پورے علاقے کو محاصرے میں لے لیا اور تلاشی مہم شروع کر دی ہے۔