پلوامہ: آیوش یونٹ نے مفت ادویات تقسیم کیں

جموں و کشمیر کے ضلع پلوامہ کے مچھپونہ گاؤں میں آج محکمہ آیوش نے قوت مدافعت کو مضبوط کرنے والی ادویات لوگوں میں تقسیم کیں۔

پورے ملک کے ساتھ ساتھ جموں و کشمیر میں بھی میں آیوش نے کووڈ-19 وبائی بیماری کے دوران قابل ستائش کام انجام دیے ہیں۔

کووڈ-19 کے دوران آیوش کے طبی و نیم طبی عملے نے اپنی جانوں کی پرواہ کیے بغیر گھر گھر اور گاؤں گاؤں جاکر لوگوں میں قوت مدافعت پیدا کرنے والی ادویات تقسیم کیں۔ اس کا مقصد ہے کہ لوگوں کے جسم اس وبائی بیماری کے لڑنے کے قابل ہو جائے اور اس بیماری سے بچایا جاسکے۔

اس کو مدنظر رکھتے ہوئے آج آیوش یونٹ پلوامہ نے مچھپونہ گاؤں میں جاکر لوگوں میں قوت مدافعت پیدا کرنے والی ادویات تقسیم کیں۔آیوش ٹیم میں شریک ڈاکٹر محمد الطاف نے کہا کہ ان ادویات کا استعمال کرنے سے انسان کا قوت مدافعت بڑھ جاتا ہے اور وہ کورونا وائرس جیسی مہلک بیماری سے مقابلہ کرسکتے ہیں۔