قومی شاہراہ پر ہائی کورٹ میں سماعت

سری نگر جموں قومی شاہراہ پر بندشوں کے خلاف ہائی کورٹ میں سماعت شروع ہوچکی ہے۔

ریاست جموں و کشمیر کی عدالت عالیہ میں یہ عرضی سابق آئی اے ایس آفسر شاہ فیصل نے پیر کو دائر کی تھی۔ انہوں نے اس سلسلے میں ٹویٹ کرتے ہوئے سماعت کے بارے میں اطلاع دی۔

بھارتی وزارت داخلہ کے حکم نامے میں قومی شاہراہ کو عوامی نقل و حمل کے لیے ہر اتوار اور بدھ بند رکھنے کے احکامات صادر کیے گئے ہیں۔

انتظامیہ کی جانب سے لیے گئے اس فیصلے کے خلاف ریاست کی تمام چھوٹی بڑی سیاسی تنظیموں نے مذمت کی تھی۔