پامپورمیں حضرت خواجہ مسعود ولیؒ کا 421واں عرس منایا گیا

جنوبی کشمیر کے ضلع پلوامہ کے قصبہ پانپور میں آج بلند پایہ ولی حضرت خواجہ مسعود ولیؒ کا 421واں سالانہ عرس نہایت ہی عقیدت و احترام کے ساتھ منایا گیا ہے۔ اس سلسلے میں اُن کے آستانۂ عالیہ واقع نملہ بل پانپور میں کل شام سے ہی عقیدت مندوں کا تانتا بندھا رہا۔

عرس مبارک کے موقع پر حضرت خواجہ مسعود ولیؒ کے آستانۂ عالیہ پر کل شام سے ہی عقیدت مندوں کا تانتا بندھا رہا وہیں درود و اذکار اور نعت و مناجات کی محفلیں بھی آراستہ ہوتی رہیں۔

علمائے کرام نے حضرت مسعود ولیؒ کی دینی خدمات پر روشنی ڈالی۔ انہوں نے کہا کہ حضرت مسعود ولیؒ نے اپنی ساری زندگی دین اسلام کی بقاء کے لیے وقف کی ہے۔

علمائے کرام نے بتایا کہ اولیاء کرام کے بتائے ہوئے راستے پر چلنے میں ہی زندگی کی کامیابی کا راز مضمر ہے۔

ادھر عرس مبارک کے سلسلے میں نمازوں کے بعد تُبرکات کی زیارت کرائی گئی جس سے عقیدت مندوں کی ایک بڑی تعداد تعداد نے تبرکات کی زیارت کی۔