Srinagar Encounter: سرینگر کے نورباغ انکاؤنٹر میں عسکریت پسند فرار

جموں و کشمیر کے گرمائی دارالحکومت سرینگر کے نور باغ علاقے میں عسکریت پسندوں اور سکیورٹی فورسز کے درمیان تصادم شروع ہونے کے بعد ہی عسکریت پسند بھاگنے میں کامیاب ہوگئے۔

اطلاع کے مطابق سرینگر کے نور باغ علاقے میں عسکریت پسندوں اور سکیورٹی فورسز کے درمیان انکاؤنٹر شروع ہوتے ہی عسکریت پسند بھاگنے میں فرار ہوگئے ہیں۔

پولیس کے مطابق انکاؤنٹر جگہ سے ایک اے کے 47 رائفل اور ایک پستول برآمد ہوا ہے۔ سکیورٹی فورسز نے علاقے میں تلاشی مہم شروع کردی ہے۔

ایک سینیئر پولیس آفیسر کے مطابق 'پولیس کو باوثوق ذریعے کے حوالے سے اطلاع موصول ہوئی تھی کہ علاقے میں عسکریت پسند چھپے ہوئے ہیں، جس کے بعد سکیورٹی فورسز نے علاقے کو محاصرے میں لے لیا۔'

پولیس افسر نے مزید کہا کہ 'جونہی فورسز نے ایک مخصوص جگہ پر تلاشی شروع کی تو وہاں چھپے ہوئے عسکریت پسندوں نے سکیورٹی فورسز پر گولیاں چلائیں۔ اس وقت دونوں طرف سے گولیوں کا تبادلہ جاری ہے۔'

قابلِ ذکر ہے کہ چند روز قبل انسپکٹر جنرل آف پولیس وجے کمار نے دعویٰ کیا تھا کہ شہر میں چار عسکریت پسند سرگرم ہیں۔