ترال: آوارہ کتوں کے حملے میں پانچ افراد زخمی

جنوبی کشمیر کے سب ضلع ترال کے لرو جاگیر گاؤں میں آوارہ کتوں نے پانچ افراد کو زخمی کر دیا، جس کی وجہ سے پورے گاؤں میں خوف وتشویش ہے۔

تفصیلات کے مطابق ترال کے لرو جاگیر گاؤں میں آوارہ کتوں نے پانچ افراد کو زخمی کر دیا گیا۔ پانچوں زخمیوں جن میں ایک کمسن طالبہ بھی شامل ہے۔زخمیوں کو طبعی امداد کے لیے سب ڈسٹرکٹ اسپتال ترال لایا گیا جہاں ان کو ویکسین اور ابتدائی مرہم پٹی کے بعد اپنے گھروں کو رخصت کیا گیا۔

مقامی لوگوں نے ترال میں میڈیا سے بات چیت کرتے ہوئے بتایا کہ کتوں کے کاٹنے سے پورے گاؤں میں تشویش پیدا ہو گئی ہے اور لوگ اپنے گھروں سے باہر آنے میں خوف محسوس کر رہے ہیں،جبکہ طلباء بھی کمیونٹی کلاسز میں شمولیت کرنے سے قاصر ہیں۔

انہوں نے الزام عائد کرتے ہوئے کہا کہ آوارہ کتوں کو سرینگر اور، مضافات سے لا کر یہاں چھوڈا جا رہا ہے ساتھ ہی اس معاملے میں انتظامیہ سے کارروائی کا مطالبہ کیا ہے۔

وہیں ایڈشنل ڈپٹی کمشنر ترال شبیر احمد رینہ نے بتایا کہ انہوں نے معاملہ ایس ایم سی کی نوٹس میں لایا ہے اور ان آوارہ کتوں کو روکنے کے لیے میونسپل کمیٹی ترال کو بھی متحرک کیا گیا ہے۔