شوپیان: تصادم حتم، تین عسکریت پسند ہلاک

ریاست جموں و کشمیر کے ضلع شوپیان میں جمعہ کو سکیورٹی فورسز اور عسکریت پسندوں کے بیچ انکاونٹر میں 3 عسکریت پسند ہلاک ہوئے۔اس دوران فورسز کا ایک اہلکار بھی زخمی ہوا۔

شوپیان کے امام صاحب آڑخار علاقے میں تلاشی آپریشن کے دوران چھاپے ہوئے عسکریت پسندوں نے فورسز پارٹی پر فائرنگ کی جو انکاونٹر کی صورت اختیار کر گیا۔

انکاونٹر میں تین عسکریت پسند ہلاک ہوئے جن میں برہان وانی کے گروپ کا مشہور ہزب المجاہدین سے وابستہ کمانڈر لطیف ٹائگر ساکنہ ڈوگری پورہ پلوامہ،طارق مولوی ساکنہ مولو چتراگام اور شارق احمد نینگرو ساکنہ چوتی شوپیان شامل ہے۔

انکاونٹر کے مقام پر مظاہرین اور فورسز کے درمیان جھڑپیں ہوئیں جن میں کئی افراد زخمی ہوئے جن میں سے مدثر احمد گولی لگنے سے زخمی ہوا۔

عسکریت پسندوں کی ہلاکت کے خلاف پورے ضلع میں مکمل ہڑتال رہی اور انٹرنیٹ خدمات معطل کر دی گئی ہیں۔