جموں و کشمیر میں سبھی تعلیمی ادارے اور ٹریننگ مراکز 31 مئی 2020 تک بند رہیں گے۔
اس سلسلے میں جموں و کشمیر جنرل ایڈمنسٹریشن ڈپارٹمنٹ نے ایک حکم نامہ جاری کیا ہے جس میں لکھا گیا ہے کہ 'کورونا وائرس کے پھیلاؤ کے مدنظر جموں و کشمیر میں تمام تعلیمی و تربیتی مراکز 31 مئی تک بند رہیں گے۔'
واضح رہے جموں و کشمیر میں پہلے سے ہی سخت لاک ڈاؤن کا نفاذ جاری ہے اور کورونا وائرس کی وجہ سے اب تک نو اموات بھی ہوئی ہیں جبکہ 823 افراد کے ٹیسٹ مثبت آئے ہیں۔
گزشتہ روز سرینگر کے سیول سیکریٹریٹ میں بھی ایک ملازم کو کوروناوائرس میں مبتلا پایا گیا۔
بھیڑ بھاڑ والی جگہوں میں کورونا وائرس کے پھیلنے کا خطرہ بڑھ جاتا ہے اس لیے حکومت نے اسکولوں کو بند رکھنے کا فیصلہ لیا ہے۔
