جنوبی کشمیر کے سب ضلع ترال میں آج ڈی ڈی سی ممبر ڈاکٹر ہر بخش سنگھ DDC Member Dr. HarBaksh Singh نے سب ضلع اسپتال میں ہیٹنگ سسٹم کا افتتاح کیا۔ ہیٹنگ سسٹم آئی سی یو اور ریکوری وارڈ میں مریضوں کے لیے گرمی کی سہولت فراہم کرے گا۔
اس موقع پر ایڈیشنل ڈپٹی کمشنر ترال شبیر احمد رینہ ADC Tral Shabbir Ahmed Raina، پی ڈی پی کے زونل صدر قطب الدین شاہ، بی ایم او ترال اور دوسرے عہدیدار بھی موجود تھے۔
میڈیا سے بات کرتے ہوئے ڈاکٹر ہر بخش سنگھ نے بتایا کہ انہوں نے ڈی ڈی سی فنڈ سے اٹھارہ لاکھ روپیے اس کام کے لیے واگزار کیے تھے اور انہیں خوشی ہے کہ اس دور افتادہ علاقے میں موجود ہسپتال میں ہیٹنگ سسٹم شروع ہوا ہے۔
انہوں نے کہا کہ جلد ہی اس ہسپتال میں سینٹرل ہیٹنگ سسٹم بھی شروع کیا جائے گا۔