عوامی زندگی میں دیانتداری، ایمانداری اور شفافیت کی اہمیت کو اجاگر کرنے کے لئے سینٹرل یونیورسٹی کشمیر نے پیر کو ویجیلنس بیداری ہفتہ کے سلسلے میں ملازمین کے لیے گرین کیمپ میں ایک پروگرام کا انعقاد کیا۔ اس پروگرام میں ہفتہ بھر کی تقریبات تنظیمی، ادارہ جاتی اور عوامی زندگی کے شعبوں میں اخلاقیات اور اخلاقی طریقوں کو فروغ دینے پر زور دیا جائے گا۔ اس موقع پر خطاب کرتے ہوئے وائس چانسلر پروفیسر فیاض احمد نیکہ نے کہا کہ اس پروگرام کا بنیادی مقصد تمام کارکنان کی حوصلہ افزائی کرنا ہے کہ وہ انفرادی اور اجتماعی طور پر بدعنوانی کی روک تھام اور اس کے خلاف لڑنے میں اپنا کردار ادا کریں۔
لالچ بدعنوانی کی ایک بڑی وجہ: فیاض احمد نیکہ
سینٹرل یونیورسٹی کشمیر کے وائس چانسلر پروفیسر فیاض احمد نیکہ نے کہا کہ 'ہر برس ویجیلنس بیداری ہفتہ منانا سینٹرل ویجیلنس کمیشن کے کثیر الجہتی طریقہ کار کا حصہ ہے، تاکہ ملازمین اور عوام کو بدعنوانی کو روکنے کے طریقوں کے بارے میں آگاہ کیا جاسکے۔
فیاض احمد نیکہ
مزید پڑھیں:وادی کشمیر میں اضافی 5 ہزار پیرا ملٹری فورسز کی تعیناتی کا فیصلہ
اپنے خطبہ استقبالیہ میں شعبہ اسٹوڈنٹس ویلفیئر کے سربراہ ڈاکٹر معراج الدین شاہ نے کہا کہ ویجیلنس بیداری ہفتہ کے دوران پروگراموں کے انعقاد کا مقصد افسران اور عوام کو بدعنوانی کے مضر اثرات سے آگاہ کرنا اور اس لعنت کے خلاف لڑنے کی ترغیب دینا ہے۔ اس موقع پر ملازمین نے یہ عہد بھی کیا کہ وہ تمام کام ایمانداری اور شفاف طریقے سے انجام دیں گے اور کسی بھی بدعنوانی کے واقعہ کی اطلاع متعلقہ ادارے کو دیں گے۔