جموں و کشمیر کے جنوبی علاقہ ترال میں محکمہ دہی ترقی کے تحت مختلف ترقیاتی منصوبوں کا جائزہ لینے اور کورونا وائرس کے بعد حکومت کی طرف سے دی گئی ڈھیل کے بعد آج بلاک ڈیولپمنٹ آفس ترال میں ایک میٹنگ منعقد ہوئی جس میں بی ڈی سی چیئرمین اوتار سنگھ ترالی کے علاوہ ولیج لیول ورکز، جی آر ایس اور پنچوں و سرپنچوں کی ایک بڑی تعداد نے شرکت کی۔
ترال: بلاک ڈیولپمنٹ آفسران کی میٹنگ اس موقع پر بی ڈی سی چیئرمین نے محکمہ دہی ترقی کے مختلف کاموں کو شروع کرنے کی اپیل کی تاکہ تعمیر وترقی کے ساتھ ساتھ روزگار کے مواقع فراہم کیے جائیں۔
بعدازاں ای ٹی وی بھارت سے بات کرتے ہوئے بی ڈی سی چیئرمین اوتار سنگھ ترالی نے اعتراف کیا کہ پردھان منتری آواس یوجنا کے کے تحت دئے گئے مکانات میں خرد برد کی شکایات حق بجانب ہیں اور وہ بھی اس ضمن میں اعلی حکام کو آگاہ کریں گے۔
