اشرف میر جنہوں نے سرینگر کے سونوار سے سنہ 2014 کے اسمبلی انتخابات میں نیشنل کانفرنس کے نائب صدر عمر عبداللہ کو شکست دی تھی اور گزشتہ حکومت میں وزیر بھی رہے تھے۔
انہوں نے پی ڈی پی کی صدر محبوبہ مفتی کو تحریری طور "ذاتی وجوہات" کی بنا پر استعفی دینے کی بات کہی ہے۔
ذرائع کے مطابق اشرف میر اتوار کو الطاف بخاری کی نئی پارٹی میں شامل ہونے والے ہیں۔
قابل ذکر ہے کہ الطاف بخاری سرینگر میں اپنی رہائش گاہ میں "اپنی پارٹی" کی افتتاحی تقریب منعقد کر رہے ہیں جہاں پی ڈی پی، کانگرس اور نیشنل کانفرنس کے متعدد رہنما بھی شامل ہونے والے ہیں۔
واضح رہے کہ کشمیر میں دفعہ 370 کی منسوخی کے بعد یہ پہلی بڑی سیاسی سرگرمی ہے۔