نئے قانون سے آنگن واڑی کارکنان پریشان

مظاہرین نے گورنر انتظامیہ سے مذکورہ احکام کو فوری طور پر منسوخ کرنے کا مطالبہ کیا ہے۔

ریاست جموں و کشمیر کے ضلع پلوامہ کے شہید پارک پلوامہ میں آنگن واڑی کارکنان اور ہیلپرز نے گورنر انتظامیہ کے خلاف احتجاج کیا۔

ضلع میں واقع شہید پارک میں آنگن واڈی کارکنان اور ہیلپرز نے گورنر انتظامیہ کے خلاف نعرہ بازی کرتے ہوئے احتجاج کیا بعد ازاں احتجاجی مظاہرین نے شہید پارک سے مین چوک تک ایک احتجاجی ریلی بھی نکالی۔

واضح رہے کہ نئے قانون کے تحت آنگن واڑی کارکنان کو متعلقہ سرپنچوں اور کونسلروں سے حاضری سرٹیفیکیٹ لینے کے بعد تنخواہ ملے گی۔

آنگن واڑی کارکنان نے آج اس قانون کے خلاف زبردست احتجاج کرکے گورنر انتظامیہ کے خلاف نعرے بازی کی۔

احتجاجی ملازمین کا کہنا ہے کہ ایسے احکامات جاری کرکے ان کے جذبات کے ساتھ کھیلا جا رہا ہے اور یہ کسی بھی صورت میں برداشت نہیں کیا جائے گا۔

احتجاجیوں کے مطابق اگر ان احکامات کو واپس نہیں لیا گیا تو آنگن واڑی کارکنان بھوک ہڑتال کریں گے۔

مظاہرین نے گورنر انتظامیہ سے مذکورہ احکام کو کو فوری طور منسوخ کرنے کا مطالبہ کیا ہے۔