گاندربل:اینٹی کرپشن بیورو نے آج گاندربل میں کارروائی کرتے ہوئے ایک سرکاری ملازم کو رشوت لیتے ہوئے رنگے ہاتھوں پکڑ لیا۔
ذرائع کے مطابق اس رشوت خور ملازم کا نام محمد یعقوب کمبے ہے، جو کہ گاندربل کے لار بلاک میں بطور ولیج لیول ورکر کام کر رہا ہے اور فی الحال اسے اینٹی کرپشن بیورو کی ٹیم نے 3 ہزار کی رقم لیتے ہوئے گرفتار کر لیا۔
شکایت موصول ہونے پر مقدمہ ایف آئی آر نمبر 10/2022 U/S 7 PC Act 1988 r/w 120-B IPC پولیس اسٹیشن اے سی بی سرینگر میں درج کیا گیا اور تحقیقات شروع کی گئی۔
مزید پڑھیں:
تفتیش کے دوران ایک ٹریپ ٹیم تشکیل دی گئی۔ ٹیم نے ایک کامیاب جال بچھا کر محمد یعقوب کمبے ولیج لیول ورکر آر ڈی ڈی، بلاک لار، گاندربل کو رشوت کی رقم کا مطالبہ کرتے اور قبول کرتے ہوئے رنگے ہاتھوں پکڑ لیا۔
ملزم کو اے سی بی ٹیم نے گرفتار کر کے اپنی تحویل میں لے لیا۔ آزاد گواہوں کی موجودگی میں اس کے قبضے سے رشوت کی رقم بھی برآمد کر لی گئی۔ کیس کی مزید تفتیش جاری ہے۔