سعودی میں نوجوان کی موت کا معاملہ اٹھانے کی یقین دہانی

ہماچل پردیش کا ایک نوجوان سعودی عرب میں کام کے لئے گیا تھا جہاں گزشتہ جنوری میں بیماری کے سبب اس کی موت ہوگئی۔ موت کے بعد اسے وہیں دفنا دیا گیا ہے۔

ہماچل پردیش کے وزیراعلیٰ جے رام ٹھاکر نے کہا ہے کہ سعودی عرب میں ریاست کے ایک نوجوان کی موت کا معاملہ وزارت خارجہ سمیت ہر متعلقہ پلیٹ فارم پر اٹھایا جائے گا۔

جے رام ٹھاکر نے ریاستی اسمبلی کے اجلاس کے دوران کانگریس کے اونا سے ایم ایل اے ستپال رائے زادہ کے ذریعہ یہ معاملہ اٹھائے جانے پر انہوں نے متوفی سنجیو کمار کے اہل خانہ کے تئیں اپنی تعزیت کا اظہار کیا اور کہا کہ ممکن ہوا تو لاش بھارت لانے کی کوشش کی جائے گی۔

رائے زادہ نے بتایا کہ سنجیو کمار سعودی عرب میں کام کے لیے گیا تھا جہاں گزشتہ جنوری میں اس کی بیماری کے سبب موت ہوگئی۔ موت کے بعد اسے وہیں دفنا دیا گیا ہے۔

انہوں نے کہا کہ ہندورسم و رواج کے مطابق جلانے کے بجائے نوجوان کو دفنا دیا گیا۔ اہل خانہ کو اس کی اطلاع کافی تاخیر سے ملی۔ اس کے بعد اہل خانہ کے لوگ سعودی عرب گئے تو پایا کہ انتظامیہ نے ہندو ہونے کے باوجود نوجوان کو مسلم مذہب کے مطابق دفنا دیا ہے۔ اس سے سنجیو کے اہل خانہ افسردہ ہیں۔

رکن اسمبلی رائے زادہ نے مطالبہ کیا کہ نوجوان کے اہل خانہ کے ساتھ انصاف کیا جائے اور حکومت پورے معاملے میں مداخلت کر کے معاملے کو وزارت خارجہ کے ذریعہ سعودی حکومت کے ساتھ بات کرے۔

(یو این آئی)