سہارنپور: علاج کے دوان نوجوان کی موت، اہل خانہ کا ہنگامہ

اترپردیش کے ضلع سہارنپور کے پرائیویٹ اسپتال میں ڈینگو کے مریض کی علاج کے دوران موت ہونے کے بعد خاندان کے افراد نے ہسپتال میں ہنگامہ کیا۔ صدر تھانہ پولیس موقع پر پہنچی اور اہل خانہ کو سمجھاتے ہوئے معاملہ کوٹھنڈا کیا۔

گزشتہ روز لیبر کالونی سہارنپور کا باشندہ 22 سالہ ترون مدان ولد راجپال مدان کو بخار کے سبب دہلی روڈ پر واقع ماں جگدمبا سپر اسپیشالیٹی ہسپتال میں داخل کیا گیا تھا۔

ترون کی علاج کے دوران موت ہوگئی جس کے بعد لواحقین نے ڈاکٹروں پر علاج میں غفلت کا الزام لگاتے ہوئے اسپتال میں ہنگامہ کیا اور آج پھر ہسپتال میں ہنگامہ آرائی ہوئی۔

وہی تھانہ صدر بازار پولیس موقع پر پہنچی۔ خاندان کے افراد کے مطابق ہسپتال میں کوئی طبی عملہ موجود نہیں ہے، خاندان کے افراد ڈاکٹر کے خلاف سخت کارروائی کا مطالبہ کر رہے ہیں۔