مولانا سعد کے دو رشتہ دار بھی کورونا وائرس سے متاثر

سہارنپور کے ڈی ایم اکھلیش سنگھ نے بتایا کہ مولانا سعد کے دو رشتہ داروں میں کووڈ-19 کے مثبت ہونے کی تصدیق کے بعد ضلعی انتظامیہ نے یہاں منڈی کے علاقے کو سیل کردیا ہے۔

ریاست اترپردیش کے ضلع سہارنپور سے تعلق رکھنے والے تبلیغی جماعت کے سربراہ مولانا سعد کاندھلوی کے دو رشتہ داروں میں بھی کورونا وائرس کی تصدیق کی گئی ہے۔

ڈی ایم اکھلیش سنگھ نے بتایا کہ اس علاقے سے آٹھ دیگر افراد کو قرنطینہ میں رکھا گیا تھا۔

ضلع مجسٹریٹ نے بتایا کہ وہ دو افراد جو کورونا وائرس سے متاثر ہیں سعد کاندھلوی کے سسرالی رشتہ دار ہیں اور لاک ڈاؤن سے قبل دہلی کے نظام الدین میں واقع تبلیغی جماعت کے مرکز میں ٹھہرے تھے۔

ڈی ایم اکھلیش سنگھ نے بتایا کہ حال ہی میں وہ جنوبی افریقہ سے واپس آئے تھے۔ دو دیگر افراد کے ہمراہ انہیں قرنطینہ میں رکھا گیا ہے۔

اس خبر کے بعد انتظامیہ اب ان لوگوں کو تلاش کرنے کی کوشش کر رہی ہے جو تبلیغی جماعت کارکنان کے رابطے میں آئے ہیں۔