دوسری شادی کی مخالفت پر تین طلاق

متاثرہ خاتون نے جب اپنے شوہر سے دوسری شادی نہ کرنے کے لیے دباؤ ڈالنے لگی اور اس کی مخالفت کرنے لگی تو شوہر نے اسے تین طلاق دے کر گھر سے بے دخل کردیا۔

سہارنپور کے علاقے دیوبند میں شوہر نے 21 برس بعد تین طلاق دے کر اپنی بیوی کو گھر سے نکال دیا۔

متاثرہ خاتون نے الزام لگایا ہے کہ اس کے شوہر نے دوسری شادی کی ہے اور اس کی مخالفت کرنے پر اسے تین طلاق دے دی۔

متأثرہ خاتون نے یہ بھی الزام لگایا کہ اس کے شوہر نے اسے مسلسل ذہنی اور جسمانی اذیت دی جس کی وجہ سے اس کے بھوکے مرنے کے دن آگئے۔

متاثرہ نے کہا کہ اس کی کوئی اولاد نہیں ہے اور ایک لڑکی کو اس نے گود لے لیا اور وہ لڑکی بھی اب 13 برس کی ہوچکی ہے، دوسری شادی کی مخالفت کرنے پر شوہر نے ایک جھٹکے میں تین طلاق دے کر 21 برس پرانہ رشتہ ختم کردیا۔

متاثرہ نے مزید بتایا کہ اسے اور اس کی بچی کو اس کے شوہر سے جان کا خطرہ ہے۔ تحریر کی بنیاد پر پولیس نے کیس کی تفتیش شروع کردی ہے۔