متاثرہ نے کوتوالی میں تحریر دیتے ہوئے ملزم شوہر کے خلاف کارروائی کی مانگ کی ہے۔ تفصیل کے مطابق محلہ سرائے پیرذادگان کی باشندہ ایک خاتون نے بتایا کہ اسکی شادی پانچ سال قبل شہر کے ایک شخص کے ساتھ ہوئی تھی، متاثرہ نے الزام لگایا کہ اس کو شادی کے بعد پتہ چلا کہ اس کا شوہر شراب پینے کا عادی ہے۔
متاثرہ کا الزام ہے کہ شادی کے بعد سے شوہر نشہ کی حالت میں اس کے ساتھ مارپیٹ کرتا ہے اور متاثرہ نے بتایا کہ پیر کے روز بھی اس کے شوہر نے نشہ کی حالت میں اسکے ساتھ لات گھونسوں سے مارپیٹ کرکے اسکو زخمی کردیا۔ جب اس نے اس کی مخالفت کی تو ملزم شوہر نے اس کو ایک ساتھ تین طلاق دے دی۔
اپنے دو معصوم بچوں کے ساتھ کوتوالی پہنچی متاثرہ نے پولیس سے شوہر کے خلاف کارروائی کئے جانے کی فریاد کی ہے۔ کوتوالی انچارج نے بتایا کہ معاملہ ان کے علم میں آیا ہے، پولیس معاملہ کی جانچ کررہی ہے۔ ملزم کے خلاف قانونی کارروائی عمل میں لائی جائیگی۔ سی او چوب سنگھ نے کہا کہ مستقیم کی دختر فرحین نے تین طلاق کے معاملہ میں تحریر دی ہے، جس کی جانچ چل رہی ہے، جانچ کے بعد کارروائی کی جائیگی۔