پولیو کی ٹیم کے ساتھ مار پیٹ

پولیو مرض سے بچوں کو محفوظ رکھنے کے لیے حکومتی ٹیم گھر گھر جا کر بچوں کو پولیو کا ڈوز دیتی ہے لیکن اس پرُفتن دور میں لوگوں کی مدد کرنا پولیو ٹیم کو بھاری پڑ گیا۔

ریاست اتر پردیش کے ضلع سہارنپور میں ایسا واقعہ پیش آیا جسے سن کر کوئی بھی شخص افسوس کرے گا۔

در اصل معاملہ ضلع سہارنپور کے پوجایا کولا نامی علاقے کا ہے جہاں پولیو کی ایک ٹیم جب ایک گھر پر بچوں کو پولیو کی دوا پلانے کے لیے گئی تو مذکورہ علاقے کے لوگوں نے ان کے ساتھ بد سلوکی اور مار پیٹ کی۔

سرکاری اسپتال کے آبزرور رویندر کمار نے بتایا کہ جب پولیو کی ٹیم (جن میں این ایم پربھادیوی اور سندر لال نامی شخص شامل ہیں) جب مذکورہ علاقے میں پہنچی تو لوگوں نے ان کے ساتھ مار پیٹ کی گئی اور سرکاری دستاوزات بھی پھاڑ ڈالے۔

اسی کے ساتھ ایک شخص نے ٹیم کے ساتھ گالی گلوچ بھی کی۔

اس معاملے کے بعد پولیو ٹیم نے احتجاج کرتے ہوئے کام بند کردیا ہے اور پولیو پلانے سے انکار کر دیا ہے۔

انہوں نے کہا کہ اس معاملے کی شکایت مقامی پولیس اسٹیشن میں کی گئی ہے۔

رویندر کمار نے بتایا کہ اس سے قبل بھی بھی پولیو ٹیم کے ساتھ ان لوگوں نے مار پیٹ کی تھی۔

تھانہ انچارج کلدیپ سنگھ نے بتایا کہ تحریر کی بنیاد پر تفتیش کی جارہی ہے۔