دیوبند: سی اے اے کے خلاف مظاہرے اور بھوک ہڑتال جاری

دارالعلوم دیوبند کے سینئر اساتذہ اور جمعیت کے اعلی عہدیداروں نے احتجاج میں حصہ لیا اور حکومت کے اس قانون کی مخالفت کی اور کہا کہ 'جب تک یہ کالا قانون واپس نہیں ہوگا اس وقت تک بھوک ہڑتال جاری رہے گی۔'

ریاست اترپردیش کے ضلع سہارنپور کے دیوبند میں واقع عید گاہ گراؤنڈ میں جمعیت علما ہند اور سابق رکن اسمبلی معاویہ علی کی سربراہی میں شہریت ترمیمی قانون کے خلاف ہزاروں افراد بھوک ہڑتال پر بیٹھے ہیں۔'

اطلاع کے مطابق دیوبند مکمل طور پر پولیس چھاؤنی میں تبدیل ہوچکا ہے، چپے چپے پر پولیس اہلکاروں کو تعینات کردیا گیا ہے۔

دارالعلوم دیوبند کے سینئر اساتذہ اور جمعیت کے اعلی عہدیداروں نے احتجاج میں حصہ لیا اور حکومت کے اس قانون کی مخالفت کی اور کہا کہ 'جب تک یہ کالا قانون واپس نہیں ہوگا اس وقت تک یہ ہڑتال جاری رہے گی۔'

نعرے بازی میں مظاہرین نے جامعہ ملیہ کے طلبا کی حمایت کی اور دہلی پولیس کی کارروائی کی شدید مذمت کی۔

پرامن ہڑتال پر انتظامیہ کی سانسیں تیز ہوگئیں۔ اعلی عہدیدار دیوبند میں ڈیرہ ڈالے ہوئے ہیں۔

دھرنا میں دارالعلوم دیوبند کے مولانا حبیب الرحمن اعظمی، مفتی راشد اعظمی، مولانا حکیم الدین قاسمی، سابق ایم ایل اے معاویہ علی اور ذہین مدنی سمیت ہزاروں افراد احتجاج میں شامل ہیں۔