ایس ایس پی سہارنپور کے ذریعہ جرائم پیشہ افراد کے خلاف چلائی جارہی گرفتاری مہم کے تحت کرائم برانچ اور صدر تھانہ پولیس کی مشترکہ ٹیم کے ذریعہ مخبر کی اطلاع پر چھدوانا موڑ کے پاس آواس وکاس کالونی میں کھالی پڑے مکان میں ڈکیتی کی اسکیم بناتے وقت پولیس نے آٹھ بدمعاشوں کو چوری کی چھ موٹرسائیکل، ایک طمنچہ، دو زندہ کارتوس سمیت گرفتار کیا ھے۔
یہ گینگ ضلع میں کافی دنوں سے سرگرم ھے اور رات کے وقت اسلحہ سے لیس ہو کر سنسان علاقوں میں لوٹ کی وارداتوں کو انجام دیتا تھا۔
اس سلسلے میں ایس ایس پی سہارنپور ڈاکٹر ایس چینپا نے بتایا کہ تھانہ صدر بازار علاقہ میں ایک گاڑی چوری ہوگئی تھی اس بابت مقدمہ درج کیا گیا تھا۔ اسی کیس میں کرائم برانچ اور صدر تھانہ پولیس کو کامیابی حاصل ہوئی ہے۔ جس میں آٹھ بدمعاشوں کو گرفتار کیا گیا ہے۔ ساتھ ہی اسلحہ اور چوری موٹر سائیکل وغیرہ برآمد ہوئی ہے۔ پولیس ٹیم کو انعام بھی دیا جائے گا، مزید تفتیش کی جا رہی ہے۔