Greater Noida Road Accident: کار بجلی کے کھمبے سے ٹکرائی، دو طالب علم جاں بحق

گریٹر نوئیڈا کے سورج پور تھانہ علاقے کے تحت پولیس لائن کے قریب ایک سڑک حادثے میں انجینئرنگ کے 2 طلباء کی موت ہو گئی، جب کہ 4 شدید زخمی ہو گئے Car collides with electricity pole, Death two students in Greater Noida۔

گریٹر نوئیڈا: اتر پردیش گریٹر نوئیڈا کے سورج پور تھانہ علاقے کے تحت پولیس لائن کے قریب ایک سڑک حادثے میں انجینئرنگ کے 2 طلباء کی موت ہو گئی، جب کہ 4 شدید زخمی ہو گئے۔ تمام طلباء ضلع غازی آباد سے پارٹی کرنے کے بعد گریٹر نوئیڈا واپس جا رہے تھے۔ اس کے ساتھ ہی ضلع میں مختلف سڑک حادثات میں 3 افراد کی موت ہو گئی Two Students Death in Road Accident Greater Noida۔


پولیس نے بتایا کہ گریٹر نوئیڈا میں واقع کالج میں زیر تعلیم مختلف کورسیز کے چھ طلباء دیر رات غازی آباد گئے تھے۔ پارٹی کرنے کے بعد وہ کار میں گریٹر نوئیڈا واپس آرہے تھے۔ تیز رفتاری سے جا رہی ان کی کار بے قابو ہو کر سورج پور پولیس لائن کے قریب بجلی کے کھمبے سے ٹکرا گئی۔ جھٹکا اتنا شدید تھا کہ بجلی کا کھمبہ بھی ٹوٹ گیا۔ انہوں نے بتایا کہ بجلی کے کھمبے سے ٹکرانے سے قبل وہاں سے گزرنے والے ایک سائیکل سوار گھمنڈی سنگھ کو بھی کار نے ٹکر مار دی جس میں وہ زخمی ہوگیا۔


اس واقعہ میں 6 طلباء کار میں سوار سائیکل سوار شدید زخمی ہو گئے۔ سبھی کو علاج کے لیے گریٹر نوئیڈا کے یتھارھ اور کیلاش اسپتال میں داخل کرایا گیا تھا۔ جہاں ڈاکٹروں نے دیپک رائے ولد گپتیشور رائے ساکن ساہتوار ضلع بلیا اور پشپیندر عرف منویر ضلع بجنور کو مردہ قرار دیا۔

پولیس نے مزید بتایا کہ ان میں سے دو کی حالت تشویشناک بنی ہوئی ہے۔ پولیس نے دونوں لاشیں قبضے میں لے کر پوسٹ مارٹم کے لیے بھیج دی ہیں۔ پولس معاملے کی تفتیش کر رہی ہے۔