رکن پارلیمنٹ کے اجلاس میں ایک نوجوان گرفتار

جھارکھنڈ کے گڈا ضلع میں ہنوارا تھانہ علاقے کے ویشواس کھانی گاﺅں میں موجودہ ایم پی نشی کانت دوبے کے انتخابی اجلاس میں ایک شخص کو اسلحہ کے ساتھ گرفتار کیا گیا۔

پولیس ذرائع نے بتایاکہ نشی کانت دوبے مقامی ایم ایل اے اشوک بھگت اور دیگر حامیوں کے ساتھ مہا گاما اسمبلی حلقہ میں انتخابی مہم پر تھے۔
اتنے میں بسنت رائے ( کوریانہ ) کا محمد انیس بھی اپنے ساتھی کے ساتھ وہاں پہنچا۔ مجرمانہ سرگرمیوں میں شامل رہنے والے نوجوان محمد انیس کو دیکھ کر مقامی لوگوں نے اعتراض کیا اور نوجوان کی تلاشی لی گئی۔ اس دوران نوجوان کے پاس سے ایک دیسی کٹا اور کارتوس برآمد ہوا ۔

دریں اثنا انیس کے ساتھی موقع سے فرار ہو گئے۔ جس کے بعد اس کی اطلاع پولیس کو دی گئی۔

اطلاع ملتے ہی موقع پر پہنچی پولیس نے انیس کو گرفتار کرلیا ۔ پولیس نے اس کی بائک کو بھی ضبط کرلیا ہے ۔ معاملے کی تفتیش کی جارہی ہے۔