شیبو سورین اسپتال میں داخل

جھارکھنڈ مکتی مورچہ کے سپریمو میں کووڈ انفیکشن کی تصدیق ہونے کے بعد رانچی کے ایک پرائیویٹ اسپتال میں داخل کرایا گیا ہے۔

دودن قبل کووڈ انفیکشن کی تصدیق ہونے کے بعد جھارکھنڈ مکتی مورچہ(جے ایم ایم) کے صدر شیبو سورین کو راجدھانی رانچی کے ایک پرائیویٹ اسپتال میں داخل کرایا گیا ہے۔

شیبو سورین کا فائل فوٹو

جے ایم ایم سپریمو شیبوسورین اوران کی اہلیہ کی کورونا جانچ رپورٹ سنیچر کو پازیٹیو آئی تھی۔ رپورٹ آنے کے بعد گھر میں ہی ڈاکٹرو ں کی نگرانی میں میاں بیوی کا علاج کیا جارہا تھا۔

مسٹر سورین کو ڈاکٹروں کی صلاح پر راجدھانی رانچی کے ایک پرائیویٹ اسپتال میں داخل کرایا گیا ہے۔

مسٹر سورین اور انکی بیوی سے پہلے ان کی رہائش گاہ کے کئی ملازم متاثرملے تھے۔ اس کے بعد شیبو سورین کی طبیعت خراب ہوگئی۔