ریاست جھار کھنڈ میں کورونا وائرس کے دوران حاملہ خواتین کی پریشانی کے پیش نظر ریاستی وزیر صحت بننا گپتا نے اس کے لیے متبادل انتظام کیا ہے۔
حاملہ خواتین کا کورونا جانچ صرف 1 گھنٹے میں کیا جائے گا اور اس کا فوری علاج کیا جاسکتا ہے۔ اس کے لئے ریاست کے تمام صدر ہسپتالوں میں ٹرنیٹ مشینیں انسٹال کرانے کا عمل شروع کیا جائے گا۔
ریاست بھر میں حکومتی اعدادوشمار کے مطابق تقریبا 52 ہزار ایسی خواتین کی نشاندہی کی گئی ہے جن کو مئی کے ماہ میں ولادت ہونی ہے۔
اس وقت کورونا کے بڑھتے انفیکشن کی وجہ سے تمام ڈاکٹرز حاملہ خواتین کو کورونا چیک کروانے کا مشورہ دے رہے ہیں۔ ایسی صورتحال میں حاملہ خواتین کو آخری لمحے میں بہت ساری پریشانیوں کا سامنا کرنا پڑتا ہے۔
اس کی وجہ سے کئی بار کچھ خواتین کے رحم میں بھی بچہ فوت ہوگئے ہیں۔ ان تمام پریشانیوں کے بابت وزیر صحت بننا گپتا نے کہا کہ اب ریاست میں حاملہ خواتین کو کورونا معائنے کے لئے اپنے بچوں سے محروم نہیں ہونا پڑے گا ، کیونکہ اب ان کی کورونا جانچ کی رپورٹ صرف ایک گھنٹے میں آسکتی ہے۔
انہوں نے کہا کہ ایک ہفتہ میں ریاست کے تمام صدر ہسپتالوں میں ٹرنیٹ مشین انسٹال کردی جائے گی اور محکمہ صحت کی جانب سے اس مشین کو چلانے کے لئے مکمل تربیت یافتہ اہلکار بھی دیئے گئے ہیں۔
واضح رہے کہ ٹرنیٹ مشین ایک چپ پر مبنی مشین ہے جس کے ذریعے حاملہ خواتین کی کورونا ٹیسٹ رپورٹ صرف 1 گھنٹہ میں آتی ہے۔ اس مشین کی انسٹالیشن کے بعد حاملہ خواتین کا علاج کرنے والے طبی عملے کو بھی راحت ملے گی اور انفیکشن کا خطرہ بھی کم ہوجائے گا۔
