رامبن: ڈپٹی کمشنر نے آپ کی زمین آپ کی نگرانی مہم کا آغاز کیا

ضلع رامبن میں ڈپٹی کلکٹرمسرت اسلام نے ’آپ کی زمین آپ کی نگرانی مہم کا آغاز کیا۔ اس مہم کے ذریعہ لوگوں کو (DILRMP) یعنی ڈیجیٹل انڈیا لینڈ ریکارڈ ماٹرنائزیشن پروگرام کے بارے میں آگاہ کیا جائے گا۔

مرکز کے زیرِ انتظام خطہ جموں کشمیر کے ضلع رامبن میں ڈپٹی کمشنر مسرت اسلام نے آج ضلع بھر میں 'آپ کی زمین آپ کی نگرانی' یعنی ایک لینڈ ریکارڈ انفارمیشن سسٹم کا آغاز کیا تاکہ لوگوں کو ڈیجیٹل انڈیا لینڈ ریکارڈ ماڈرنائزیشن پروگرام (DILRMP) کے بارے میں آگاہ کیا جا سکے۔

اس موقع پر خطاب کرتے ہوئے ڈپٹی کمشنر نے کہا کہ 'آپ کی زمین آپ کی نگرانی' کے حوالے سے آئی ای سی مہم کو ضلع بھر میں ہفتہ وار بلاک دیوس کے ساتھ ضم کر دیا گیا ہے تاکہ زیادہ سے زیادہ لوگوں کو IEC مہم سے جوڑا جا سکے۔

ڈی سی نے کہا کہ اسی طرح کے پروگرام محکمہ دیہی ترقی اور پنچایت کے منتخب نمائندوں ساتھ مل کر محکمہ محصولات کی طرف سے سب ڈویژن گول، بانہال، رامسو اور ضلع ہیڈکوارٹر رامبن کی تمام تحصیلوں میں منعقد کیے جائیں گے۔

اس مواقع پر اسسٹنٹ کمشنر مال رامبن نے شرکا کو مطلع کیا سرکار کی جانب سے سی آئی ایس پورٹل http://landrecords.jk.gov.in/ شروع کیا گیا ہے تاکہ لوگو اپنے زمین سے متعلق کاغذات آن لائن اسکین شدہ ڈیٹا کےساتھ دیکھ سکیں۔

انہوں نے مزید کہا کہ یہ اقدام لینڈ ریکارڈ سسٹم تک آن لائن رسائی کی سہولت فراہم کرے گا۔ اس طرح لینڈ ریکارڈ میں ہیرا پھیری میں کمی آنے کے ساتھ ریونیو دفاتر کی کارکردگی میں خاطر خواہ بہتری آئے گی۔