عارضی ملازمین کا احتجاج

ریاست جموں و کشمیر کے ضلع رامبن میں محکمہ پی ایچ ای، پی ڈی ڈی اور دوسرے محکموں کے عارضی ملازمین نے تنخواہ کی عدم ادائیگی کے خلاف احتجاج کیا۔ ا

ریاست جموں کشمیر کے ضلع رامبن کی سنگلدان علاقہ میں سینکڑوں محکمہ پی ایچ ای ، پی ڈی ڈی اور دوسرے محکموں میں عارضی ملازمین تنخواہ کی عدم ادائیگی کی صورت میں احتجاج کیا۔احتجاج کے دوران مظاہرین نے خوب نعرے بازی بھی کی۔

احتجاج کر رہے ملازمین نے سنگلدان کے بازار سے بس اسٹینڈ تک احتجاجی ریلی بھی نکالی۔ عارضی ملازمین نے کہا کہ تنخواہوں کی ادائیگی نہ ہونے کی وجہ سے بچوں کی فیس تک نہیں ادا ہو پارہی ہے اور اہل خانہ فاقہ کشی کے شکار ہو رہے ہیں۔ ملازمین اپنے ہاتھوں میں متعدد بینر اٹھا رکھے تھے جس پر طرح طرح کے کئی نعرے لکھے ہوئے تھے۔واضح رہے کہ ملازمین کی قیادت یونین کے ریاستی صدر تنویر حسین کر رہے تھے۔ انہوں نے کہا کہ اگر عارضی ملازمین کی تنخواہ کی ادائیگی عید سے پہلے نہیں کی گئی تو وہ پروگرام کے مطابق تمام عارضی ملازمین کے چیف انجینئر کے دفتر کے سامنے 72 گھنٹوں کی ہڑتال 5 سے 7 اگست تک شروع کریں گے۔ اس کے بعد گورنر انتظامیہ کے دفتر کے باہر بھی احتجاج کرنے کی دھمکی دی ہے۔