قومی شاہراہ رامبن کے بانہال سیکٹر کے درمیان، پینٹھال اور موم پسی اور ادھمپور کے بلی نالہ کے مقامات پر بارش کے بعد مٹی کے تودے اور چٹانیں کھسکنے کی وجہ سے شاہراہ پر ٹریفک کی نقل و حرکت مکمل بند طور پر بند ہوگئی ہے اور سینکڑوں مسافربردار گاڑیاں اپنی جگہ پر رکی ہوئی ہیں۔
انتظامیہ شاہراہ سے تودے ہٹانے میں مصروف ہیں ، دونوں طرف درماندہ گاڑیوں کی لمبی قطاریں لگی ہوئیں ہیں۔
ای ٹی وی بھارت کے ساتھ بات کرتے ہوئے ایس ایس پی، ایس پی ٹریفک نیشل ہائی وے رامبن جے ایس جوہر نے کہا کہ موسم سازگار ہونے کی صورت میں شاہراہ کو بحال کیا جائے گا، تاہم سرینگر اور جموں سے کسی بھی گاڑی کو اگے بڑھنے کی اجازت نہیں ہوگی۔
جموں سے سرینگر قومی شاہرہ بحال ہونے میں ابھی مزید وقت لگے گا۔
حالیہ دنوں میں جموں سرینگر قومی شاہراہ پر چٹانے اور تودے کھسکنے کی وجہ سے گاڑیوں کی آمدورفت بند ہوتی رہی ہے اور مسافروں کو کافی مشکلات کا سامنا کرنا پڑتا ہے۔