یاترا کے دوران شاہراہ پر پابندی سے عوام کو مشکلات

وادی کشمیر میں امرناتھ یاترا شروع ہوتے ہی پوری ریاست میں ایک الگ ماحول دکھائی دیتا ہے، لاکھوں عقیدت مند بلالحاظ عمر و جنس بلا تفریق رنگ و نسل امرناتھ گپھا میں شیو لنگم کے درشن کے لیے وادی کا رخ کرتے ہیں۔

جہاں ریاستی انتظامیہ کی جانب سے یاتریوں کے لیے سیکورٹی اور دیگر انتظامات کو یقینی بنایا جاتا ہے وہیں مقامی باشندوں اور غیر سرکاری تنظیموں کی جانب سے بھی جگہ جگہ یاتریوں کے لیے رضاکارنہ لنگر وغیرہ کا اہتمام کیا جاتا ہے۔

تاہم اس سال گورنر انتظامیہ نے امرناتھ یاترا کی حفاظت کے پیش نظر سرینگر جموں قومی شاہراہ کو روزانہ پانچ گھنٹوں کے لیے یاتریوں کے لیے مخصوص رکھا ہے۔

شاہراہ کے قریب رہنے والے افراد کے مطابق اس پابندی سے انہیں روزانہ دقتوں کا سامنا کرنا پڑتا ہے۔
انکا کہنا ہے کہ شاہراہ پر عائد پابندی سے اسکولی بچوں، ملازمین اور مریض افراد کو شدید مشکلات کا سامنا کرنا پڑتا ہے۔

قابل ذکر ہے کہ یکم جولائی سے شروع کی گئی امرناتھ یاترا 15اگست تک جاری رہے گی۔