ضلع رام بن میں چھ روزہ تربیتی پروگرام کا افتتاح

پہاڑی ضلع رام بن میں ’’ای سی سی ای پروگرام‘‘ کے تحت تین مقامات پر چھ روزہ تربیتی پروگرام کا افتتاح کیا گیا۔

جموں و کشمیر کے ضلع رام بن میں ڈپٹی کمشنر مسرت اسلام نے ریاستی ’’ای سی سی ای پروگرام‘‘ کے تحت چھ روزہ ہنر مندی تربیتی پروگرام کا افتتاح کیا جو بیک وقت تین مقامات پر شروع کیا گیا ہے جن میں جے کے ٹی ڈی سی کیفٹریہ رام بن، ڈاک بنگلہ رامبن اور ملک ریزورٹس ہوٹل نشری شامل ہیں۔

ہنر مندی تربیتی پروگرام سی آئی آئی فاؤنڈیشن کے زیر اہتمام جموں و کشمیر ایسوسی ایشن آف سوشل ورکرز جے کے اے ایس ڈبلیو کے اشتراک سے منعقد کیا جا رہا ہے جس میں 5 سپروائزر، 50 آنگن واڑی ورکرز اور 50 آگنواڑی ہیلپرز کو تربیت دی جا رہی ہے۔

ورکشاپ میں ماہرین چھ روز تک شرکا کو مختلف اسکیمز سے متعلق مکمل معلومات اور تربیت فراہم کریں گے۔