ڈوبنے سے دو کی موت

چھتیس گڑھ کے ضلع گریابند میں ایک معصوم بچی اور ایک لڑکی کی پانی میں ڈوبنے سے موت ہو گئی۔

پولیس ذرائع سے موصول اطلاعات کے مطابق گاؤں بھینس مڑی میں گزشتہ دوپہر دو سالہ بچی تنو شری کھیلنے کے دوران کھیت میں واقع کنویں میں ڈوب گئی، اس کی وہیں موت ہو گئی۔
بچی کے والدین پاس ہی کے کھیت میں کام کر رہے تھے۔ اسی دوران یہ حادثہ پیش آیا۔
اسی علاقے میں مڑاگاؤں کی مادھوری نیتم (15) کھیت سے بہہ رہے پانی سے نہا رہی تھی ۔ مرگی کی بیماری میں مبتلا مادھوری اسی دوران پانی میں ڈوب گئی ۔ پولیس نے دونوں معاملا ت میں ایف آئی آر درج کر لی ۔