سچن تندولکر کی صلاح: مڈارام کے ویڈیو سے کریں 2020 کی شروعات

ساتویں کلاس میں پڑھنے والے ایک معذور بچے مڈا رام کو کرکٹ کھیلتا دیکھ کر سچن تندولکر اتنے متاثر ہوئے کہ انہوں نے سال 2020 کی شروعات مڈارام کے ویڈیو کو شیئر کرتے ہوئے کیا۔

کٹےکلیان وکاس کھنڈ پنچایت کے باشندہ مڈارام کا ایک ویڈیو ان دنوں کافی وائرل ہو رہا ہے۔ اس ویڈیو کو چھتیس گڑھ کے وزیراعلی بھوپیش بگھیل سے لیکر کرکٹ کے بھگوان کہے جانے والے سچن تندولکر نے اپنے ٹویٹر ہینڈل سے ٹویٹ کیا ہے، جسے اب تک لاکھوں لوگوں نے دیکھا اور پسند کیا ہے۔

ویڈیو میں معذور مڈا رام کرکٹ کھیلتے ہوئے نظر آ رہے ہیں۔ وہ دیگر کھلاڑیوں کی طرح بلےبازی کرتے ہوئے اور رن لینے کے لیے دوڑتے ہوئے دکھ رہے ہیں۔

سچن تندولکر نے مڈا رام کا ویڈیو ٹویٹ کرتے ہوئے لکھا کہ اس بچے کے ویڈیو کے ساتھ اپنے 2020 کی شروعات کریں۔