لاک ڈاؤن میں آن لائن شادی

ممبئی میں دلہا اور بریلی میں دلہن اور رائے پور میں بیٹھے پنڈت جی نے منتر پڑھے۔ ہم بات کر رہے ہیں ، چھتیس گڑھ کی پہلی آن لائن شادی کی۔ اس شادی میں تمام رسومات ادا کی گئیں۔

دولہا اور دلہن کو ہلدی بھی لگی اور دونوں نے اپنے ہاتھوں پر مہندی بھی لگائی۔ لاک ڈاؤن کی وجہ سے بارات تو نہیں نکلا لیکن منڈپ میں دولہا نے سر پر سہرا بھی سجایا اور شادی کے جوڑے میں سجی دلہن نے سات پھیرے بھی لگائے اور پنڈت جی نے آنلائن منتر بھی پڑھے۔

دلہن

آن لائن ویڈیو کے ذریعے امریکہ ، کینیڈا ، پونے ، رائے پور اور بریلی کے سینکڑوں رشتہ داروں نے دلہا اور دلہن کو مبارک باد پیش کی۔ خاص بات یہ تھی کہ پوری شادی میں کسی طرح کا کوئی خرچ نہیں ہوا۔ رائے پور کے شنکر نگر کے باشندہ سندیپ ڈانگ کے بیٹے سوشین کی شادی دو سال قبل بریلی کے کرشنا کمار نارنگ کی بیٹی کیرتی نارنگ سے طے ہوئی تھی اور 19 اپریل کو 'ڈیسٹینیشن ویڈنگ' ہونی تھی۔

نجی کمپنی کے ذریعے شادی کی

رشتہ داروں کو شادی کے لیے مدعو کیا جا چکا تھا، شادی کی تمام تر تیاریاں ہوچکی تھیں لیکن کورونا وائرس کی وجہ سے لاک ڈاؤن ہو گیا۔ شادی کو مقررہ وقت پر کرانا تھا لہذا دلہا اور دلہن نے انٹرنیٹ کے زمانے میں شادی کرنے کا فیصلہ کیا۔ اہل خانہ نے نجی کمپنی کے ذریعہ آن لائن شادی کرنے کا فیصلہ کیا اور پھر شادی مکمل ہوئی۔