جیسے رمضان المبارک کا چاند اپنے اپنے گھروں کی چھتوں سے آج بعد نماز مغرب تنہا تنہا دیکھنے کی کوشش کریں، میدانوں میں بھیڑ نہ لگائیں اور اگر چاند نظر آ جائے تو گھروں کے اندر ہی نماز تراویح کا اہتمام کریں.
پیام انسانیت فورم کے ضلع صدر مولانا مصور عالم ندوی نے کہا کہ کورونا وائرس کے پیش نظر بھارت سمیت پوری دنیا میں لاک ڈاؤن نافذ ہے ،بھارت کے اندر اس کی میعاد فی الحال 3 مئی 2020 تک ہے۔ آگے کے حالات کا ابھی کوئی علم نہیں جبکہ روزوں کا اہتمام آج یا کل سے شروع ہو جائے گا، ایسے میں ہر سطح سے احتیاط برتنے کی ضرورت ہے.
آزاد اکیڈمی ہائی اسکول کے استاذ الحاج ارشد انور الف نے کہا کہ اس ماہ مبارک میں دن میں روزہ اور رات میں قیام لیل مثلاً تراویح کی با جماعت ادائیگی وغیرہ کا سلسلہ سنت موکدہ اور طریقہ متوارثہ کے طور پر پوری اسلامی دنیا میں رائج ہے۔ ہمیں اسلامی احکام کی پیروی بھی کرنی ہے اور لاک ڈاؤن کے ملکی قانون اور حفاظتی نقطہ نظر کو بھی پیش نظر رکھنا ہے، اس کے لیے مناسب طریقہ کار کا اختیار کرنا دانشمندی میں شمار کیا جائے گا.
جمعیۃ علما ہند ارریہ کے جنرل سکریٹری مفتی اطہر القاسمی نے کہا کہ اسلامی قانون کی روح انسانی جانوں کی حفاظت کے ساتھ عبادتوں کی ادائیگی کرنا ہے. اس اعتبار سے امسال تراویح کی نماز اپنے اپنے گھروں میں ادا کی جائیں. مسجدوں میں جس طرح دوسری نمازیں با جماعت صرف مسجد کا عملہ ادا کر رہا ہے وہ ادا کر لے. اس موقع پر علماء کرام نے عام اجتماعی دعوت افطار نہ کرنے کی بھی اپیل کی ہے.
