بہار میں بھی لوگوں نے سورج گہن کا مشاہدہ کیا

ریاست بہار کے دار الحکومت پٹنہ سمیت ریاست کے دیگر حصوں میں لوگوں نے سورج گہن کا مشاہدہ کیا۔

بہار میں سورج گہن صبح 10بج کر 37 منٹ پر شروع ہوا اور دو پہر میں دو بج کر 10 منٹ پر ختم ہوا۔ اس نایاب فلکیاتی واقعے کا مشاہدہ کرنے کے لیے لوگ کافی پرجوش تھے، لیکن پٹنہ سمیت ریاست کے دیگر حصوں میں بارش کا موسم ہونے کی وجہ سے بادلوں کے بیچ سورج کی لکا چھپی چلتی رہی۔ اس دوران جب بادل چھٹتا تب لوگ اس سورج گہن کے حیرت انگیز نظارے کا مشاہدہ کر پاتے تھے ۔

سورج کو ننگی آنکھوں سے دیکھنے کے خطرات سے واقف لوگوں نے احتیاط برتتے ہوئے اس حیرت انگیز فلکیاتی واقعے کا مشاہدہ کیا۔ لوگوں نے سورج گہن دیکھنے کے لیے خاص قسم کے چشموں، ٹیلی اسکوپ اور فلٹرس کیمروں کا استعمال کیا۔